FAQ

Si no a aprobá e petishon, e petishonario ta risibí un notifikashon skibí (un asina-yamá dekreto) relashoná ku rechaso di e petishon (artíkulo 17 LTU). Ta pone e stranhero na altura di e dekreto akí di forma skibí dor di mand’é ku pòst p’e òf entreg’é esaki. Lo splika e petishonario ku e por entregá un opheshon denter di 6 siman. E proseso por dura 5 luna, loke ta pone ku e petishonario mester warda e veredikto den eksterior.

Si petishonario no ke entregá un opheshon, e por yena un formulario di restitushon, pa asina e risibí pago di e tarifanan bèk. Por entregá un petishon pa restitushon te na momentu numa ku e término di opheshon a vense.

Un prueba  di regreso ta un deklarashon ku ta indiká te ki momentu i bou di ki kondishon, un stranhero tin derechi pa regresá Kòrsou.

E prueba di regreso akí ta un dekreto i ta dun’é pa un sierto periodo. Ke men, tin mag di uza e dekreto akí pa diferente biahe i pa e periodo ei, e ora ei.

Tur siman ta publiká e lista di status di e petishonnan.

Riba e dekreto otorgá, por mira loke mester entregá. Por mira esakinan bèk den e desishon bou di e título AFHANDELING.

E dokumentonan ku mester entregá ta dependé di e tipo di petishon ku bo ke entregá. Riba e formulario di petishon bo ta haña e dokumentonan rekerí.

Bo mester pidi un Deklarashon Legal serka Organisashon di Atmishon. 

Por hasi e petishon akí na Bentana di Pèrmit na Saliña.

E basenan di nengamentu ta:

• relashoná ku òrdu públiko òf interes general, esaki ta inkluí motibunan ekonómiko
• echo ku tin insufisiente medio di eksistensia

E motibunan di revokashon ta:

1. kondena pa motibu di un infrakshon, òf te mas ku 3 luna pa motibu di un  krímen
2. moralidat òf interes general
3. nesesidat profundo
4. violashon di kondishonnan di pèrmit

Otro motibu pa revokashon:

• akuerdo di kombibensia a terminá
• persona ku ta para garante a kita su garantia
• doño di trabou a revoká e pèrmit di trabou

Di un manera òf otro, bo mester por demostrá e ora ei ku bo tin medionan di eksistensia pa mantené bo mes.

E stranhero ku ke bin biba i traha na Kòrsou, mester pidi un pèrmit di trabou. Punto di salida ta ku si e tin pèrmit di trabou, el a demostrá di tin sufisiente medio finansiero.

For di 2006 ta pèrmití unifikashon familiar a base di matrimonio legal. Si a sera un akuerdo di kombibensia na Hulanda òf islanan BES, esaki tambe ta aseptá.

Si e kasá tambe ta di nashonalidat hulandes òf merikano, e no tin mester di hasi petishon pa un pèrmit di trabou (twv). Si e kasá ta di nashonalidat stranhero i ta kasá ku un siudadano hulandes, e no tin mester di hasi petishon pa un pèrmit di trabou. Si e kasá di nashonalidat stranhero ta kasá ku un persona di nashonalidat merikano, e mester hasi petishon pa un pèrmit di trabou si e ke traha. 

Yunan adulto ku pa promé biaha ta bai hasi un petishon pa un pèrmit, no por entregá un petishon pa unifikashon familiar.