FAQ – Petishon Elektróniko
Bo mester di yudansa?
Bo tin un pregunta tokante bo petishon pa un pèrmit di estadia, kopia òf restitushon? Riba e página akí, bo ta haña kontesta riba mayoria pregunta. Bo pregunta no ta paresé akinan? Tuma kontakto libremente ku nos. Nos ta telefónikamente alkansabel durante nos orario di ofisina. Bo por manda nos un mail tambe. Semper indiká bo number di petishon i number di FMSCRV ora hasi pregunta tokante bo petishon.
Petishon Elektróniko
For di 15 di yüni 2016 ta posibel pa entregá un petishon pa un Deklarashon Legal òf Deklarashon No-Aplikabilidat di forma elektróniko. Por hasi esaki via www.immigrationcur.org.
Lo bo risibí bo prueba di petishon via e-mail. Despues di tratamentu di bo petishon, lo bo risibí e dekreto ku e desishon riba bo petishon via e-mail. Despues di esei, bo por risibí bo título di estadia serka Organisashon di Atmishon, den forma di un stèmpel den bo pasport. Ku e stèmpel den pasport, e siudadano hulandes òf merikano por inskribí su mes na registro sivil.
Un petishonario ta traha su mes kuenta personal ku despues por uza pa otro petishon. E kuenta akí ta striktamente personal i ta kontené tur dato di e persona en kestion.
Un petishonario por uza e kuenta pa su mes, kasá i yunan. Por uza e kuenta solamente bou di nòmber di un persona.
Di akuerdo ku lei- i regulashonnan vigente, gobièrnu tin 4 luna di tempu pa tuma un desishon riba un petishon.
Bo tin ku averiguá den bo kuenta si bo a realisá e enkargo di ‘entregá petishon’. Si bo a realisá esaki, bo mester risibí un mensahe den bo inbox ku un prueba di petishon. Si bo no a risibí un prueba di petishon den bo inbox, bo mester chèk den bo junk mail òf spam si e mensahe por a resultá einan. E mensahe ta bin di: no-reply@immigrationcur.org.
Korekto, si bo a lubidá di skèn bo dokumentonan, bo por manda nan via mail ainda. Kòrda bon si, ku si a trata bo petishon kaba, sin e dokumentonan rekerí, lo por rechasá bo petishon. Denter di 6 siman despues ku a manda e petishon, tin posibilidat di opheshon kontra un dekreto rechasante.
Hasi bo pregunta
Bo no por haña kontesta riba bo pregunta? Hasi bo pregunta aki.
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.