Un siudadano hulandes ku ta kasá ku un stranhero, mester tin un salario di minimalmente Naf. 1.500,00.

Den kaso di un matrimonio entre stranheronan, e petishonario prinsipal mester tin un salario di minimalmente Naf. 3.000,00.

Den kaso di petishon di (pa) yunan di nashonalidat stranhero i hulandes (no nasé na Kòrsou), mester añadí, banda di e montantenan normativo ariba menshoná, e siguiente montantenan normativo komo seguridat finansiero adishonal;

1. Mucha te ku 5 aña – Naf. 250,= bruto pa luna pa mucha 
2. Mucha te ku 11 aña – Naf. 350,= bruto pa luna pa mucha

c. Mucha di 12 aña  i mas bieu – Naf. 500,= bruto pa luna pa mucha

E stranhero mester entregá un petishon pa Pèrmit di estadia temporal (VTTV) ku komo meta Unifikashon familiar i e mester kumpli ku e  eksigensianan den e lista di eksigensia añadí.

• E siguiente kondishonnan ta konta tantu den kaso di unifikashon familiar komo formashon familiar: 

  • e persona ku ta pidi atmishon p’e, mester tin sufisiente medio di eksistensia, di forma duradero i independiente 
  • e persona ku ta pidi e atmishon, mester tin alohamentu adekuá di forma duradero,  i ku ta realmente disponibel tambe. Si e petishonario ta residente, no mester tin niun opheshon kontra habitashon òf residensia di e miembronan di famia ku mester atmití.
  • e stranhero ku ta pidi atmishon, no tin mag di forma un peliger pa òrdu públiko. Ta fiha e mesun eksigensianan pa miembronan di famia ku relashoná ku e otro petishonarionan di pèrmit di estadia.
  .

Un stranhero ku ta kasá ku un siudadano hulandes ta risibí un pèrmit pa estadia temporal, sin prohibishon di trabou. Esaki ta nifiká ku su doño di trabou no mester hasi un petishon pa un pèrmit di trabou i ku e por partisipá den merkado laboral.