FAQ -Siudadanonan Hulandes
Bo mester di yudansa?
Bo tin un pregunta tokante bo petishon pa un pèrmit di estadia, kopia òf restitushon? Riba e página akí, bo ta haña kontesta riba mayoria pregunta. Bo pregunta no ta paresé akinan? Tuma kontakto libremente ku nos. Nos ta telefónikamente alkansabel durante nos orario di ofisina. Bo por manda nos un mail tambe. Semper indiká bo number di petishon i number di FMSCRV ora hasi pregunta tokante bo petishon.
Siudadanonan Hulandes
Ta atmití di forma legal, personanan ku nashonalidat hulandes ku no ta kai bou di artíkulo 1 di LTU. Si e stranhero hulandes ke keda biba i traha na Kòrsou, e por entregá un petishon pa un Deklarashon Legal.
For di 15 di yüni 2016, por entregá un petishon pa Deklarashon Legal online. Esaki ta posibel via e link akí: www.immigrationcur.org.
Un siudadano hulandes ku ke bai definitivamente for di Kòrsou, no tin mester di mèldu serka Organisashon di Atmishon.
Sí e ta obligá na:
- paga butnan habrí serka Fiskal
- paga deklarashonnan di impuesto habrí i sòru pa pago di esaki serka Servisio di Impuesto
- deregistrá na Asuntunan Públiko
Hasi bo pregunta
Bo no por haña kontesta riba bo pregunta? Hasi bo pregunta aki.
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.