FAQ – Turista
Bo mester di yudansa?
Bo tin un pregunta tokante bo petishon pa un pèrmit di estadia, kopia òf restitushon? Riba e página akí, bo ta haña kontesta riba mayoria pregunta. Bo pregunta no ta paresé akinan? Tuma kontakto libremente ku nos. Nos ta telefónikamente alkansabel durante nos orario di ofisina. Bo por manda nos un mail tambe. Semper indiká bo number di petishon i number di FMSCRV ora hasi pregunta tokante bo petishon.
Turista
Durashon di estadia máksimo di un turista ta dependé di nashonalidat di e turista
- Un siudadano hulandes i un turista merikano por keda 6 luna komo turista
- Un turista di Unio Oropeo, Canada, Australia, Nieuw-Zeeland i Japan, por keda 3 luna komo turista
- Turistanan for di paisnan ku no ta rekerí visa, por keda 30 dia komo turista
- Pa turistanan for di paisnan ku ta rekerí visa, e durashon di estadia komo turista ta mará na e periodo di balides di e visa
Un turista for di un pais ku no ta rekerí visa ku ke keda mas largu ku 30 dia na Kòrsou, mester hasi petishon serka Organisashon di Atmishon pa un prolongashon di estadia turístiko, 5 – 7 dia promé ku vensementu di e término akí.
Por haña e dokumentonan ku mester entregá pa esaki, den e formulario di petishon ku ta disponibel riba website di gobièrnu: www.gobiernu.cw.
Na momentu di entrada komo turista, bo mester por demostrá un montante di $1000 pa siman. Sea pa medio di tarheta di krédito i/òf tarheta di banko.
Bo mester buska un deklarashon di garantia na Asuntunan Públiko, yena esaki i mand’é pa e persona en kestion huntu ku kopia di un sédula bálido i prueba di medio di eksistensia. E persona en kestion mester bai embahada òf konsulado hulandes ku e dokumentonan mandá pa entregá su petishon.
Hasi bo pregunta
Bo no por haña kontesta riba bo pregunta? Hasi bo pregunta aki.
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.