FAQ – Prolongashon
Bo mester di yudansa?
Bo tin un pregunta tokante bo petishon pa un pèrmit di estadia, kopia òf restitushon? Riba e página akí, bo ta haña kontesta riba mayoria pregunta. Bo pregunta no ta paresé akinan? Tuma kontakto libremente ku nos. Nos ta telefónikamente alkansabel durante nos orario di ofisina. Bo por manda nos un mail tambe. Semper indiká bo number di petishon i number di FMSCRV ora hasi pregunta tokante bo petishon.
Prolongashon
Por entregá e petishon máksimalmente for di 4 luna promé ku i pa mas tardá riba e dia di vensementu di e periodo di balides.
Si no a entregá e petishon di prolongashon di un pèrmit riba e fecha límite, pero sí denter di 3 luna despues di vensementu di e periodo di balides, (pues despues di e fecha di balides), lo trata e petishon ainda si komo petishon di prolongashon. Mester a entregá tur e dokumentonan rekerí si denter di e término di 3 luna. Sinembargo, lo otorgá e pèrmit ku e fecha riba kua a entregá e petishon di prolongashon komo fecha di komienso. Un konsekuensia direkto di un petishon lat ta ku lo mester kuminsá kompletamente di nobo for di sero ku akumulashon di e derechinan di estadia di e stranhero.
Si entregá e petishon di prolongashon despues di e término di ‘toleransia’ akí (ke men despues di 3 luna), e ora ei lo pon’é pareu na un promé petishon.
Bo por baha un formulario pa prolongashon via e link https://www.gobiernu.cw/nl/sector-rechtshandhaving-openbare-orde-en-veiligheid/toelatingsorganisatie-curacao/formulieren/
Aki bo ta haña tambe e lista di eksigensia dependiendo di meta di bo petishon.
Si entregá e petishon promé ku fecha di vensementu di e pèrmit, esaki no ta un problema.
Si entregá e petishon despues di fecha di vensementu di e pèrmit, e petishonario lo haña un pousa di estadia, loke ta forma un interupshon den e 10 añanan ku mester ta sin interupshon pa bin na remarke pa un pèrmit di tempu indefiní.
Bo tin 4 luna di tempu promé ku vensementu di bo título di estadia pa entregá un petishon di prolongashon. Si falta dokumento, na momentu di entrega di bo petishon, bo mester indiká esaki den bo petishon.
Hasi bo pregunta
Bo no por haña kontesta riba bo pregunta? Hasi bo pregunta aki.
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.