FAQ – Pèrmit di trabou
Bo mester di yudansa?
Bo tin un pregunta tokante bo petishon pa un pèrmit di estadia, kopia òf restitushon? Riba e página akí, bo ta haña kontesta riba mayoria pregunta. Bo pregunta no ta paresé akinan? Tuma kontakto libremente ku nos. Nos ta telefónikamente alkansabel durante nos orario di ofisina. Bo por manda nos un mail tambe. Semper indiká bo number di petishon i number di FMSCRV ora hasi pregunta tokante bo petishon.
Pèrmit di trabou
Tanten ku un persona (stranhero), no tin un pèrmit di estadia pa tempu indefiní, e mester di un pèrmit di trabou.
Eksepshonnan di esaki ta:
- personanan ku ta kai bou di Brooks Tower kategoria 1
- personanan ku un propio empresa (negoshi individual)
Si bo tin otro motibunan pa indiká ku bo no tin mester di un pèrmit di trabou (TWV), bo por tuma kontakto ku Ministerio di Desaroyo Sosial, Labor i Bienestar (SOAW) (599 9 434 0300) pa mas informashon.
Doño di trabou mester hasi un petishon promé, via Bentana di Pèrmit pa un pèrmit di trabou (TWV) na SOAW, pa e persona konserní. Despues ku doño di trabou risibí un pèrmit di trabou bálido, e petishonario òf su poderado por pasa na Organisashon di Atmishon pa pidi un pèrmit di estadia.
Den kaso di kualke kambio ku tin influensia riba e pèrmit di estadia, e persona mester entregá un petishon ku kambio denter di un lapso di tempu di 6 siman.
Hasi bo pregunta
Bo no por haña kontesta riba bo pregunta? Hasi bo pregunta aki.
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.