Servisio di Atmishon ta muda bèk pa Punda
Willemstad – Servisio di Atmishon ta informá ku entrante djaluna 24 di novèmber 2025 su balinan pa otorgamentu di título di residensia (stèmpel den pasport) lo no ta ubiká mas na Kranshi. Servisio di Atmishon su balinan pa otorgamentu di pèrmit di estadia (stèmpel den pasport) i tambe su bali di informashon lo ta bèk den su edifisio remodelá na Prinsenstraat 90, den Punda.
Tur persona ku tin un sita pa tuma nan título di residensia (stèmpel den pasport) mester akudí na Prinsentraat 90. Pa informashon general por bishitá e bali di informashon durante orario di ofisina. Servisio di Atmishon ta habrí di djaluna pa djaweps di 8:00 am pa 3:00 pm. Riba djabièrnè Servisio di Atmishon ta habrí di 8:00 am pa 12:00 pm.
Servisio di Atmishon lo ta asesibel bèk via number di telefòn 733-2000. Esaki ta nifiká ku e numbernan di telefòn 733-2080, 733-2081 i 733-2083 ta keda disolvé. Por yama na 733-2000 di djaluna pa djaweps di 8:00 am pa 3:00 pm. Riba djabièrnè por yama di 8:00 am pa 2:00 pm.
Pa mas informashon por subi website www.immigrationcur.org òf bishitá página di Facebook i Instagram Admission Office Curaçao.
Servisio di Atmishon ta pidi pa tuma bon nota di e kambio. Alabes ta gradisí su klientenan pa nan pasenshi i komprenshon durante e periodo di remodelashon ku ta tras di lomba. Servisio di Atmishon ta sigui traha pa brinda e servisio kustumbrá na Prinsenstraat 90, Punda.