Bon biní na website di Servisio di Atmishon i Unidat Supervishon di Stranhero & Vigilansia di Frontera Kòrsou.
Akinan bo por haña informashon tokante e diferente produktonan relashoná ku akseso, atmishon i supervishon. Via dje website aki tambe bo por entregá un petishon pa bo pèrmit di estadia òf deklarashonnan.
Por risibí informashon tambe relashoná ku Unidat Supervishon di Stranhero i Vigilansia di Frontera, djawó padilanti indiká komo Vigilansia di Frontera i Supervishon.
Servisio di Atmishon
Servisio di Atmishon Kòrsou (despues djesaki: TO) ta kai bou di Ministerio di Hustisia i ta enkargá ku ehekushon di lei di stranhero na Kòrsou. E organisashon ta responsabel pa prosesá petishonnan di personanan ku ke permanesé na Kòrsou pa un periodo largu òf kòrtiku. Ta evaluá e petishonnan di akuerdo ku Ordenansa Nashonal Atmishon i Ekspulshon (LTU).
Unidat Supervishon di Stranhero i Vigilansia di Frontera
Unidat Supervishon di Stranhero i Vigilansia di Frontera (despues djesaki: Vigilansia di Frontera i Supervishon) di Kuerpo Polisial Kòrsou (despues djesaki: KPC) ta okupá su mes ku vigilansia di frontera i supervishon riba estadia di personanan pa kua Ordenansa Nashonal Atmishon i Ekspulshon ta aplikabel.
Notisia i publikashon
Gustosamente nos lo ke tenebo na altura di e último desaroyonan na Servisio di Atmishon i Vigilansia di Frontera & Supervishon.
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.