nl 
es 
en Servisio di Atmishon
Servisio di Atmishon
Servisio di Atmishon Kòrsou (despues djesaki: TO) ta kai bou di Ministerio di Hustisia i ta enkargá ku ehekushon di lei di stranhero na Kòrsou. E organisashon ta responsabel pa prosesá petishon di personanan ku ke keda na Kòrsou pa un periodo kòrtiku òf largu. Ta evaluá e petishon di akuerdo ku Ordenansa Nashonal Atmishon i Ekspulshon (LTU).
Mishon & Vishon
Mishon
Na un manera desisivo, profeshonal i íntegro nos ta evaluá un hende su petishon (pa atmishon), a base di legislashon i regulashon vigente i denter di e tempu stipulá.
Vishon
E organisashon di atmishon profeshonal i dinámiko na Kòrsou pa individuonan, segun reglanan vigente.
Metanan di e Organisashon di Atmishon
- Prosesá petishon di atmishon, estadia i naturalisashon na un manera metódiko, profeshonal, íntegro i dirigí riba kliente, pa asina kumpli ku klientenan su nesesidatnan di akuerdo ku legislashon i regulashon vigente.
- Informá klientenan na un manera korekto, kompletu, komprendibel i uniforme, kaminda den kasonan spesial, lo sinkronisá e informashon mas tantu posibel ku e nesesidatnan spesífiko di e kliente.
- Promové kolaborashon den e organisashon interno denter di e kadena di stranhero ku e otro stakeholdernan importante dor di sinkronisashon adekuá di e proseso-, prosedura-i sistemanan (di informashon).
- Duna un kontribushon den desaroyo di maneho riba tereno di stranhero.
Servisio di Atmishon ta prosesá e siguiente petishonnan:
- Pèrmit di estadia
- Prolongashon turístiko
- Deklarashon Van rechtswege
- Deklarashon Niet van Toepassing
- Prueba di regreso
Servisio di Atmishon tin komo tarea tambe pa:
- duna konseho riba kambionan di maneho
- representá Minister di Hustisia den e proseso di opheshon i apelashon
Disclaimer
Het Ministerie van Justitie is verantwoordelijk voor publicatie van informatie op deze website. De informatie is met zorgvuldigheid en nauwkeurigheid verzameld. Het Ministerie van Justitie doet haar uiterste best om de informatie zo actueel mogelijk te houden. Aan deze website kunnen echter geen rechten worden ontleend. Deze website wordt door het Ministerie van Justitie beheerd. De informatie op deze website kan gedeeld worden, mits bronvermelding.