Tarifa, Retribushon i Suma di garantia

Tarifa & Retribushon

Riba 6 di febrüari 2014, Parlamento di Kòrsou a hasi un kambio den Ordenansa Nashonal Atmishon i Ekspulshon i Ordenansa Insular tarifanan, derechinan di prekario i retribushonnan Kòrsou 1992. A introdusí e kambionan akí entrante 1 di aprel 2014. E kambionan ta nifiká ku Gobièrnu di Kòrsou, entrante 1 di aprel 2014, pa medio di Servisio di Atmishon ta kobra pa gastunan relashoná ku kada produkto i servisio ku Servisio di Atmishon ta ofresé.

Klek riba Formulario modelo Òrdu di pago pa baha e òrdu di pago.

Esakinan ta e tarifa- i retribushonnan pa kada tipo di petishon.

Deposito

Pa atmishon na Kòrsou, mester paga un suma di deposito ku Minister di Hustisia a stipulá a base di e tarifanan di transporte vigente. Despues ku a otorgá e petishon pa atmishon, e persona en kestion mester paga e suma di deposito.

For di 1 di aprel 2017, no ta nesesario pa mèldu na Servisio di Atmishon pa risibí un voucher pa pago di e suma di deposito. E persona en kestion mes por baha e formulario i pag’é riba kuenta di Servisio di Impuesto.  Si a hasi e pago via di online banking, mester pasa na Servisio di Impuesto pa risibí e komprobante di pago original.

E suma di garantia ku mester paga, ta dependé di nashonalidat di e persona en kestion.

Pa mucha bou di 10 aña di edat, e suma di garantia ta 50% di e montante fihá.

Klek riba Suma di deposito  pa baha e formulario di e suma di garantia.

Restitushon

Ki ora por entregá un petishon pa restitushon?

Por pidi restitushon na momentu ku:

– risibí un desishon negativo riba e petishon di estadia

                     ÒF 

– paga tarifa- i retribushonnan, pero no a entregá un petishon pa estadia. E ora ei no mester a hasi e pago.

E eksigensianan ku ta konta pa entregá un petishon di restitushon ta:

1. Formulario di petishon
2. Kopia pasport bálido
3. Komprobante di pago tarifa- i retribushonnan 

ENTREGA DI PETISHON

Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. E petishon mester keda mandá na intake@immigrationcur.org. 

DESISHON RIBA BO PETISHON

Despues ku entregá e petishon, por informá despues di 6 siman si esaki a keda prosesá. Si esaki ta kla, por traha un sita pa risibí un voucher. Despues di risibí e voucher mester manda esaki via e-mail pa Landsontvanger pa medio di e formulario aki.

Huntu ku e formulario aki mester manda un kopia di identifikashon bálido.