Turista

General

SUIDADANONAN HULANDES I MERIKANO

Personanan di nashonalidat hulandes i merikano por keda komo turista na Kòrsou pa un  periodo di 6 luna pa aña. Si abo komo siudadano hulandes òf merikano lo ke keda mas largu, e ora ei bo mester entregá un petishon pa un deklarashon Van Rechtswege. Mira tab deklarashon Van Rechtswege pa mas informashon.

OTRO NASHONALIDAT

Súpditonan di Union Oropeo, Canada, Australia, Nieuw-Zeeland i Japan. Turistanan ku  nashonalidat di e kategoria menshoná, por keda 90 dia pa aña. Si bo ta kai bou di e kategoria akí i ke keda mas largu, e ora ei bo mester entregá un petishon pa un estadia kòrtiku. Mira meta Estadia kòrtiku pa mas informashon.

Súpditonan for di paisnan ku ta rekerí visa i paisnan ku no ta rekerí visa. Turistanan ku ta kai bou di e kategoria akí por keda 30 dia. Bo ke keda mas largu? E ora ei bo mester entregá un petishon pa un prolongashon di bo estadia turístiko.

E dokumentonan ku mester entregá ta dependé si bo ta di un nashonalidat ku ta rekerí visa òf nò. Klek riba pais ku no ta rekerí visa i pais ku ta rekerí visa pa e dokumentonan nesesario.

GASTUNAN

Promé ku entregá e petishon, mester paga tarifa- i retribushonnan. Pa e petishon  pa un ekstendé e estadia turístiko mester paga un montante di Naf. 525,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

ENTREGA DI PETISHON

Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. Klek akinan pa entregá e petishon.

DESISHON RIBA BO PETISHON

Despues ku entregá e petishon, Servisio di Atmishon lo prosesá bo petishon mas pronto posibel. Despues ku e desishon ta kla, ta mail esaki pa bo.

Si bo a risibí un desishon positivo, bo mester traha un sita pa risibí e ekstenshon di bo estadia turístiko. Klek akinan pa traha e sita.

Bo ta prosedente di un pais ku no ta rekerí visa? Aki bo ta haña e eksigensianan ku ta konta pa entregá bo petishon.

• Komprobante di pago tarifa- i retribushonnan0 (mustra original pa inspekshon);
• Kopia pasport bálido (si tin diferente nashonalidat, kopia di tur pasport);
• Kopia pasashi original (pasashi di regreso òf pasashi pa otro pais) di e turista;
• Motivashon ku motibu di prolongashon di estadia turístiko;
• Den kaso di un garante:
  • Deklarashon di garantia3, yená i firmá pa persona ku ta para garante huntu ku stampia di Naf. 10,=;
  • Kopia sédula bálido persona ku ta para garante;
  • Si e persona ku ta para garante ta kasá òf ta biba huntu: kopia buki di kasamentu, akta di matrimonio òf akuerdo di kombibensia;
  • Kopia slep di salario di e último 3 lunanan òf si ta propio empresa, deklarashon resien di Servisio di Impuesto tokante e entrada taksabel;
  • Si e persona ku ta para garante ta un stranhero, kopia di pèrmit di estadia;
• Den kaso ku no tin un garante: 
  • Kopia di tarheta bankario òf tarheta di krédito di e turista ku un printout di e statement aktual;
• Si e turista ta menor di edat i (un di) e mayornan no ta biaha bin Kòrsou kuné, kopia pasport(nan) di e mayor(nan) ku ta keda atras i deklarashon di no-opheshon di mayor(nan) ku ta keda atras.

No tin mag di entregá e petishon serka Servisio di Atmishon mas promé ku 7 dia, sinembargo no mas lat ku 5 dia promé ku vensementu di e estadia turístiko. Entrega di e  dokumentonan ariba menshoná no ta nifiká ku outomátikamente lo otorgá e petishon di prolongashon.

PAGA TINU

Lo tuma un desishon mas pronto posibel riba bo petishon. Si promé ku vensementu di bo estadia turístiko, bo no risibí un desishon riba bo petishon, bo petishon ta konta komo rechasá. Den tal kaso, bo mester bandoná Kòrsou pa mas tardá na momentu di vensementu di bo estadia turístiko.

Bo ta prosedente for di un pais ku ta rekerí visa? Aki bo ta haña e eksigensianan ku ta konta pa entregá bo petishon.

• Komprobante di pago tarifa- i retribushonnan0 (mustra original pa inspekshon);
• Kopia pasport bálido (si tin diferente nashonalidat, kopia di tur pasport);
• Kopia pasashi original (pasashi di regreso òf pasashi pa otro pais) di e turista;
• Motivashon ku motibu di prolongashon di estadia turístiko;
• Den kaso di un garante garante:
  • Si duna un motibu médiko, mester presentá por lo ménos un deklarashon di dòkter  original i bon kla;
  • Den kaso di fayesementu di un miembro di famia yegá ku ta kedando na Kòrsou, mester entregá un akta di fayesementu di e persona ku a fayesé;
  • Den kaso di seremonia matrimonial, mester entregá un deklarashon skibí di Asuntunan Públiko ku ta indiká riba kua fecha e kasamentu di e turista lo tuma lugá i ku no por kulpa e turista pa skohensia di e fecha;
  • Deklarashon di garantia3, yená i firmá pa persona ku ta para garante huntu ku stampia di Naf. 10,=;
  • Kopia sédula bálido persona ku ta para garante;
  • Si e persona ku ta para garante ta kasá òf ta biba huntu: kopia buki di kasamentu, akta di matrimonio òf akuerdo di kombibensia;
  • Kopia slep di salario di e último 3 lunanan òf si ta propio empresa, deklarashon resien di Servisio di Impuesto tokante e entrada taksabel huntu ku ekstrakto di Kámara di Komèrsio i Industria di no mas bieu ku seis (6) luna, huntu ku un kopia di e statutonan;
  • Si e persona ku ta para garante ta un stranhero, kopia di pèrmit di estadia;
• De kaso ku no tin un garante:
  • Kopia di tarheta bankario òf tarheta di krédito di e turista ku un printout di e kopia aktual.
• Si e turista ta menor di edat i (un di) e mayornan no ta biaha bin Kòrsou kuné, kopia pasport(nan) di e mayor(nan) ku ta keda atras i deklarashon di no-opheshon di mayor(nan) ku ta keda atras.

No tin mag di entregá e petishon serka Organisashon di Atmishon mas promé ku 7 dia, sinembargo no mas lat ku 5 dia promé ku vensementu di e estadia turístiko. Entrega di e  dokumentonan ariba menshoná no ta nifiká ku outomátikamente lo otorgá e petishon di prolongashon.

PAGA TINU

Lo tuma un desishon mas pronto posibel riba bo petishon. Si promé ku vensementu di bo estadia turístiko, bo no risibí un desishon riba bo petishon, bo petishon ta konta komo rechasá. Den tal kaso, bo mester bandoná Kòrsou pa mas tardá na momentu di vensementu di bo estadia turístiko.