Supervishon

Supervishon

Generalmente, supervishon den derechi di stranhero, di un banda tin bista pa entrada di stranheronan i seguidamente registrashon di estadia legal di esnan ku keda atmití, kana na òrdu. Di otro banda, e ta relashoná ku ekspulshon di stranheronan ku no tin mag di permanesé na  Kòrsou (mas).

E medidanan di supervishon ta basá riba regulashonnan i literatura. E medidanan akí ta relashoná, entre otro, ku e obligashon di identifikashon, notifikashon di kambio di lugá di biba òf sitio di estadia na Kòrsou. Mas aleu, e ta relashoná ku medidanan ku ta priva i restringí un hende su libertat, para òf detené un hende, i deklará un stranhero indeseá.

Banda di prevení entrada i estadia ilegal, supervishon di stranhero ta sòru pa haña bista tambe den kondukta di stranheronan ku ta kedando legalmente na Kòrsou, te asina leu ku e kondukta akí ta relevante relashoná ku ehekushon di LTU i supervishon di stranhero. Asina por haña e datonan aktual (kantidat di stranhero, nan sitionan di estadia i meta di estadia, komposishon di nan famianan i nan sirkunstansianan di biba i traha) ku mester forma base di e maneho di stranhero ku mester hiba, kompletamente òf parsialmente via supervishon di stranhero.