Informashon general

Ekstrakto di Registro di tutela

Pa por optené un ekstrakto di registro di tutela na Korte Komun di Hustisia (Kas di Korte) mester entregá un petishon mínimo 7 dia di trabou delantá. Na momentu ku ta hasi e petishon mester entregá un ekstrakto largu (“lang uittreksel”) di Servisionan Públiko (Kranshi) di no mas ku 3 luna bieu. Pa kada petishon/akta ta kobra NAF 50,- na gastu atministrativo di Korte. Mester paga e montante aki ora entregá e petishon na bali di informashon òf, den kaso ku hasi e petishon di forma digital⁷, ora tuma e akta.

Servisionan Públiko (Kranshi)

Pa optené un akta di nasementu òf un ekstrakto di atministrashon básiko mester traha un sita. Gastunan pa optené un akta di nasementu ta Naf 20,– i pa un ekstrakto largu (“lange uittreksel”) Naf 10,–.

KUMINSÁ KU PREPARASHONNAN TREMPAN

Konsiderando e diferente dokumentonan ku mester presentá, e diferente sitanan ku mester traha na e respektivo instansianan i e tempu di espera pa risibí e dokumentonan, ta konsehá pa kuminsá ku preparashonnan pa biaha ku un mucha menor di edat na tempu.

Urgensia i kasonan spesial

Den kaso di urgesia òf kasonan spesial, por ehèmpel ora ta trata di kasonan médiko, por aserká e “Teamleider” di departamentu di Kòntròl di Frontera di e Unidat pa Supervishon di Estranhero i Kòntròl di Frontera na +5999 674 0143.

VIGENSIA i PERIODO DI TRANSISHON

E sirkular aki ta drenta na vigor dia 1 di yüli 2023.
Lo tene kuenta ku un periodo di transishon di 1 luna pa por presentá e dokumentonan. Den e periodo transitorio aki un buki di famia tambe por remplasá e akta di nasementu i e ekstrakto largu (“lange uittreksel”). 

Entrante 1 di ougùstùs 2023 públiko mester tene su mes di forma kompletu na e sirkular aki.