Prueba di regreso

PRUEBA DI REGRESO

Ki ora un hende por hasi un petishon pa un prueba di regreso?                                                                                                    Por pidi un prueba di regreso na momentu ku bo a entregá un petishon pa un prolongashon di bo pèrmit i bo mester biaha.

Kua ta e dokumentonan ku mester pa pidi un prueba di regreso?

E dokumentonan nesesario ta:

  • Formulario di petishon
  • Kopia pasport bálido
  • Komprobante di pago tarifa- i retribushonnan0
  • Kopia di pasashi 
  • 1 pasfoto

GASTUNAN

Promé ku entregá e petishon, mester paga tarifa- i retribushonnan. Pa e petishon  pa un prueba di regreso mester paga un montante di Naf. 225,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

ENTREGA DI PETISHON

Solamente pa e petishon aki ta hasi un eksepshon ku por entregá esaki na bali.

Esaki mirando ku mester entregá un pasfoto tambe. Despues di 2 dia ku a entregá e petishon, por bin tuma e prueba di regreso.

Esakinan ta e formularionan nesesario pa bo petishon:

0Ora di paga, mester menshoná e siguiente datonan di e petishonario komo referensia:

  1. nòmber i fam kompletu
  2. fecha di nasementu

Download e failnan

Renunsiamentu di responsabilidat

Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.