Duplikado
Bo tin un pèrmit òf deklarashon bálido i bo a pèrdè esaki, a hòrt’é òf destruy’é? E ora ei bo mester entregá un petishon pa un duplikado.
E eksigensianan ku ta konta pa entregá e petishon ta:
- Original komprobante di pago0 (ku eksepshon di Deklarashon Niet van Toepassing);
- Kopia pasport bálido;
- Den kaso di ladronisia òf perdida, presentá kopia di denunsia òf notifikashon di perdida di polis
GASTUNAN
Promé ku entregá e petishon, mester paga tarifa- i retribushonnan. Pa e petishon pa un duplikado mester paga un montante di Naf. 195,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.
ENTREGA DI PETISHON
Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. Klek akinan pa entregá e petishon.
DESISHON RIBA BO PETISHON
Despues ku entregá e petishon, Servisio di Atmishon tin 4 luna di tempu pa tuma un desishon riba bo petishon. Despues ku e desishon ta kla, ta mail esaki pa bo.
Si bo a risibí un desishon positivo, bo mester traha un sita pa risibí e pèrmit di estadia. Klek akinan pa traha e sita.
Si bo a risibí un desishon negativo, bo tin 6 siman di tempu e ora ei pa entregá un karta di opheshon. Bo mester mail e karta di opheshon pa info@immigrationcur.org.
Esakinan ta e formularionan nesesario pa bo petishon:
0Ora di paga, mester menshoná e siguiente datonan di e petishonario komo referensia:
- nòmber i fam kompletu
- fecha di nasementu
Download e failnan
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.