Van rechtswege

Ken por entregá un petishon pa un Deklarashon Van Rechtswege?

Ta repartí Deklarashon Van Rechtswege den diferente kategoria.

Nan ta lo siguiente:

• Kategoria spesial
  
  Esaki ta inkluí:

• Personanan detashá i ku ta den servisio di gobièrnu
• Kònsùlnan profeshonal, ofisialnan konsulario profeshonal i personal konsulario
• Militarnan i nan famia, basta ku ta durante e periodo ku nan ta stashoná akinan 

Pa miembronan di famia di personanan ku ta kai bou di kategoria spesial, mester entregá un  petishon bou di artíkulo 3 lèter G di LTU.

• Siudadanonan hulandes

Esaki ta inkluí siudadanonan hulandes adulto i nan miembronan di famia, basta nan tin nashonalidat hulandes. Pa e siudadano hulandes adulto, mester entregá un petishon pa un  Deklarashon Van Rechtswege bou di lèter F. Pa menornan di edat mester entregá un petishon bou di lèter H.

• Merikanonan

Riba 15 di desèmber 2014, Korte Komun a dikta sentensia pa ku artíkulo 3 di e Protokòl den e Konvenio Hulandes-Merikano relashoná ku amistat, komèrsio i nabegashon. Esaki ta nifiká ku  atmishon di merikanonan mester sosodé na e mesun manera ku di siudadanonan hulandes.

ENTREGA DI PETISHON

Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. Klek akinan pa entregá e petishon.

DESISHON RIBA BO PETISHON

Despues ku entregá e petishon, Servisio di Atmishon tin 4 luna di tempu pa tuma un desishon riba bo petishon. Despues ku e desishon ta kla, ta mail esaki pa bo.

Si bo a risibí un desishon positivo, bo mester traha un sita pa risibí e pèrmit di estadia. Klek akinan pa traha e sita.