Invershonista
Riba 6 di sèptèmber 2014, Minister di Hustisia di Kòrsou a introdusí un pèrmit di estadia temporal òf pa estadia pa invershonistanan; titulá Invershonista ku moda 2014. Invershonista ku moda 2014 ta pa invershonistanan ku moda di buena fe, ku ta hasi petishon pa atmishon na Kòrsou. Invershonistanan ku moda mester ta indispensabel pa Kòrsou. E invershon mester sòru pa oportunidat di trabou adishonal, trese divisa stranhero òf stimulá desaroyo ekonómiko pa Kòrsou. Invershonista ku moda 2014 ta intenshoná pa fasilitá e invershonistanan ku moda, ku ta deseá di permanesé na Kòrsou pa un periodo di mas ku 6 luna pa aña.
Kondishonnan
Pa un pèrmit di estadia temporal ku komo meta “invershonista ku moda”, e stranhero mester tin sufisiente medio di eksistensia di forma duradero i independiente pa por kumpli ku e obligashonnan ku ta resultá for di e invershon, kaminda e stranhero mester demostrá pa medio di dokumentonan ofisial ku el a hasi un invershon komersial òf tin intenshon di hasi esaki, ku un balor di por lo ménos Naf. 500.000,00. Balides di e pèrmit ta dependé di balor di e invershon.
Esakinan ta lo siguiente:
- Den kaso di un invershon komersial for di Naf. 500.000,00, lo otorgá e pèrmit di estadia pa un periodo di 3 aña.
- Den kaso di un invershon komersial for di Naf. 750.000,00, lo otorgá e pèrmit di estadia pa un periodo di 5 aña.
- Den kaso di un invershon komersial for di Naf. 1.500.000,00 lo otorgá e pèrmit di estadia pa tempu indefiní.
GASTUNAN
Promé ku entregá e petishon, mester paga tarifa- i retribushonnan. E montante ku mester paga ta dependé di e invershon.
Den kaso di un invershon komersial for di Naf. 500.000,= , bo ta paga Naf. 1.865,=.
Den kaso di un invershon komersial for di Naf. 750.000,= , bo ta paga Naf. 3.095,=.
Den kaso di un invershon komersial for di Naf. 1.500.000,= , bo ta paga Naf. 6.170,=.
E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.
Aki bo ta haña e formulario adishonal pa bo petishon:
ENTREGA DI PETISHON
Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf.
Klek akinan pa entregá e petishon.
DESISHON RIBA BO PETISHON
Despues ku entregá e petishon, Servisio di Atmishon tin 4 luna di tempu pa tuma un desishon riba bo petishon. Bo mester warda e desishon riba un promé petishon, den eksterior. Despues ku e desishon ta kla, ta mail esaki pa bo.
Si bo a risibí un desishon positivo, bo mester traha un sita pa risibí e pèrmit di estadia. Klek akinan pa traha e sita.
Si bo a risibí un desishon negativo, bo tin 6 siman di tempu e ora ei pa entregá un karta di opheshon. Bo mester mail e karta di opheshon pa info@immigrationcur.org.
Download e failnan
Renunsiamentu di responsabilidat
Ministerio di Hustisia ta responsabel pa publikashon di informashon riba e website aki. A buska e informashon kuidadosamente i koutelosamente. Ministerio di Hustisia ta hasi su máksimo esfuerso pa mantené e informashon mas aktual posibel. No por optené niun derechi for di e website aki. Ministerio di Hustisia ta manehá e website aki. Por kompartí e informashon ku tin riba e website aki, basta menshoná e fuente.