Estadia kòrtiku

General

Bo por entregá un petishon pa un pèrmit di estadia pa permanesé na Kòrsou pa un periodo kòrtiku.

Minister di Hustisia ta disidí riba e petishon i ta determiná si bo ta bin na remarke pa un título di estadia pa un máksimo di 6 luna. Loke a menshoná anteriormente ta sosodé di akuerdo ku artíkulo 9 di Ordenansa Nashonal Atmishon & Ekspulshon (despues djesaki LTU).

Bo por entregá un petishon komo:

• Invershonista ku moda , huidó di wenter,
• Remote worker (trahadó na distansia) / digital nomad (trahadó ku no ta kai bou di Ordenansa Nashonal Trabou Stranhero (despues djesaki: LAV)) òf  trahadó normal (den sentido di artíkulo 5 LAV) ku ta hasi un petishon pa atmishon na Kòrsou pa máksimalmente 6 luna.
• En prinsipio, trahadónan den sentido di artíkulo 5 LAV ta tur trahadó ku doño di trabou ta obligá pa pidi un pèrmit di trabou p’e.

ENTREGA DI PETISHON

Promé ku bo entregá e petishon, bo mester kontrolá si bo a akumulá tur e eksigensianan. Si esaki t’asina, bo por entregá e petishon. Mester skèn tur e eksigensianan den format di pdf. Klek akinan pa entregá e petishon.

DESISHON RIBA BO PETISHON

Despues ku entregá e petishon, Servisio di Atmishon tin 4 luna di tempu pa tuma un desishon riba bo petishon. Bo mester warda e desishon riba un promé petishon, den eksterior. Ora e desishon ta kla ta manda esaki via di e-mail.

Si bo a risibí un desishon positivo, bo mester traha un sita pa risibí e pèrmit di estadia. Klek akinan pa traha e sita.

Si bo a risibí un desishon negativo, bo tin 6 siman di tempu e ora ei pa entregá un karta di opheshon. Bo mester mail e karta di opheshon pa info@immigrationcur.org.

Huidó di wenter/ invershonista ku moda 

Bo ta bin na remarke pa e meta di estadia akí pa máksimalmente 6 luna, si bo:

1. Tin minimalmente Nafl. 36.000,- na medionan finansiero; òf 
2. Tin un kas òf apartamento na Kòrsou (bien inmovibel); òf 
3. Ta doño di un boto di rekreo/yate mará na Kòrsou, di kua e boto, midí for di riba liña di awa, tin un largura di por lo ménos 10 meter (propiedat registrá).

Eksigensianan ku ta konta pa entregá e petishon ta:

• Komprobante di pago Tarifa & Retribushon ⁰
• Kopia bon kla di página di foto di pasport di petishonario. Si firma di doño di pasport ta riba un otro página den e pasport, un kopia di e página akí tambe (pasport minimalmente 6 luna bálido na momentu di entrega);
• Demostrá Prueba di solvabilidat dor di:

• • Prueba ku ta disponé di minimalmente NAfl. 36.000,00 òf 
  • Prueba propiedat kas òf apartamento na Kòrsou (prueba Kadaster Kòrsou) òf 
  • Prueba propiedat boto di rekreo (por lo ménos 10m midí for di riba liña di awa) òf
  • Garantia di banko di un banko lokal (no mas bieu ku 3 luna) di minimalmente NAfl. 650.000,-;

• Si ta hasi uzo di un poderado (terser partido):

1. Un karta di outorisashon original, firmá pa petishonario (no mas bieu ku 6 luna) i
2. Un kopia di sédula bálido di poderado
   

NOTA: Si bo tin miembronan di famia dependiente, bo mester entregá pa kada un di nan  tambe, un petishon di estadia kòrtiku.

Aki bo ta haña e eksigensianan adishonal nesesario pa entregá nan petishon:

• Kopia dokumento di prueba relashon derechi familiar pa miembro(nan) di famia di e invershonista ku moda, huidó di wenter.
• Si tin miembro di famia dependiente di e invershonista ku moda, huidó di wenter, di mas yòn ku 18 aña : prueba pa demostrá ku e representante legal ta bai di akuerdo ku e  estadia. 

GASTUNAN

Promé ku entregá e petishon, mester paga tarifa- i retribushonnan. Pa e promé petishon mester paga un montante di Naf. 535,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

Esakinan ta e formularionan adishonal nesesario pa bo petishon:

• Òrdu di pago

Remote workers (trahadónan na distansia)

Bo ta bin na remarke pa e meta di estadia akí si bo ta bin traha pa un máksimo di 6 luna i bo doño di trabou stablesé den eksterior ta brindabo e posibilidat pa traha na distansia.

E eksigensianan ku ta konta pa entregá e petishon ta:

• Komprobante di pago Tarifa & Retribushon⁰;
• Kopia bon kla di página di foto di pasport di petishonario. Si firma di doño di pasport ta riba un otro página den e pasport, un kopia di e página akí tambe (pasport minimalmente 6 luna bálido na momentu di entrega);
• Si ta hasi uzo di un poderado (terser partido):

1. Un karta di outorisashon original, firmá pa petishonario (no mas bieu ku 6 luna) i
2. Un kopia di sédula bálido di poderado;

• Demostrá prueba medionan di eksistensia pa medio di:

1. 1. 1. Deklarashon di enkargo resien, si tin propio empresa den pais di orígen òf
      2. Deklarashon resien di doño di trabou den pais di orígen òf un kopia resien i legalisá di akuerdo laboral.

GASTUNAN

Promé ku entregá e petishon, mester paga tarifa- i retribushonnan. Pa e promé petishon mester paga un montante di Naf. 535,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

NOTA: Si bo tin miembronan di famia dependiente, bo mester entregá pa kada un di nan  tambe, un petishon di estadia kòrtiku.

Aki bo ta haña e eksigensianan adishonal nesesario pa entregá nan petishon:

• Kopia prueba relashon derechi familiar pa miembro(nan) di famia di e remote worker (trahadó na distansia).
• Si tin miembro di famia dependiente di e remote worker (trahadó na distansia), di mas yòn ku 18 aña : prueba pa demostrá ku e representante legal ta bai di akuerdo ku e  estadia.

Esakinan ta e formularionan adishonal nesesario pa bo petishon:

• • • • Òrdu di pago

Trabou, den sentido di artíkulo 5 Lav

Bo ta bin na remarke pa e meta di estadia akí si bo ta bin traha pa un máksimo di 6 luna pa un empresa lokalmente stablesé i e doño di trabou akí tin un pèrmit di trabou bálido pa bo.

E eksigensianan ku ta konta pa entregá e petishon ta:

• Komprobante di pago Tarifa & Retribushon⁰;
• Kopia bon kla di página di foto di pasport di petishonario. Si firma di doño di pasport ta riba un otro página den e pasport, un kopia di e página akí tambe (pasport minimalmente 6 luna bálido na momentu di entrega);
• Kopia original deklarashon di bon kondukta di último lugá di biba (no mas bieu ku 3 luna);
• Trabou den sentido di artíkulo 5 LAV:

1. Kopia pèrmit di trabou bálido i
2. Deklarashon di garantia³ original, kompletamente yená i firmá pa doño di trabou (persona ku ta para garante/referente)  huntu ku un stampia di NAf. 10,= ;
3. Deklarashon di doño di trabou, yená i firmá pa bo doño di trabou, huntu ku  kopia di un sédula bálido di e doño di trabou² i un stampia di Naf. 10,=;

• Si ta hasi uzo di un poderado (terser partido):

1. Un karta di outorisashon original, firmá pa petishonario (no mas bieu ku 6 luna) i
2. Un kopia di sédula bálido di poderado.

GASTUNAN

Promé ku entregá e petishon, mester paga tarifa- i retribushonnan. Pa e promé petishon mester paga un montante di Naf. 535,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

Esakinan ta e formularionan adishonal nesesario pa bo petishon:

• Òrdu di pago
• Deklarashon di garantia
• Deklarashon di doño di trabou

Tripulashon naval

Bo ta bin na remarke pa e meta di estadia akí, si abo komo miembro di tripulashon ta kedando na bordo di un barku i si abo durante e biahe ta realmente enkargá ku trabounan ku di un òf otro manera ta relashoná ku e barku.

E eksigensianan ku ta konta pa entregá e petishon ta:

• Komprobante di pago⁰ tarifa- i retribushon (mustra original pa inspekshon);
• Kopia pasport bálido (si tin diferente nashonalidat, kopia di tur pasport);
• Kopia buk’i marinero bálido i internashonalmente rekonosé;
• Deklarashon di garantia original, kompletamente yená i firmá pa e agente marítimo i kapitan huntu ku un stampia di NAf. 10,= ;
• Deklarashon di kapitan ku e tripulashon naval konserní tin un kondukta impekabel;
• Kopia kontrato ku agente marítimo: agente marítimo mester entregá un prueba ku e kapitan a kontrat’é / apunt’é komo agente di e barku;
• Kopia di lista di datonan naval òf  “joining letter” komo prueba ku e tripulashon naval ta traha riba e barku.

GASTUNAN

Promé ku entregá e petishon, mester paga tarifa- i retribushonnan. Pa e promé petishon mester paga un montante di Naf. 535,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

Esakinan ta e formularionan adishonal nesesario pa bo petishon:

• • Òrdu di pago
  • Deklarashon di garantia tripulashon naval

Legalisashon

Pa ken legalisashon ta posibel?

1. Na bo último petishon pa un prolongashon/ kambio, bo a risibí un pèrmit di estadia temporal konsesivo, di kua no a entregá e prolongashon na tempu; i
2. No ta kedando mas tantu ku 12 luna aki na Kòrsou sin un título bálido; i
3. No a bandoná Kòrsou pa motibunan pisá.

Paga tinu:
E pèrmit di estadia kòrtiku pa legalisashon no ta intenshoná pa individuonan ku nunka promé tabata disponé di un estadia bálido. Ku otro palabra, si bo ke entregá un petishon pa promé biaha pa eksonerashon di e stipulashonnan di artíkulo 6 paragraf 1 LTU, bo no ta bin na remarke pa un pèrmit di estadia kòrtiku pa legalisashon.

E eksigensianan ku ta konta pa entregá e petishon ta:

• Komprobante di pago⁰ tarifa- i retribushonnan (mustra original pa inspekshon);
• Kopia di página di foto di pasport di e petishonario. Si firma di doño di pasport ta riba un otro página den e pasport, un kopia di e página akí tambe (pasport minimalmente 6 luna bálido na momentu di entrega);
• Kopia pèrmit di trabou bálido òf prueba di petishon i komprobante di pago;
• Deklarashon original di doño di trabou², yená i firmá pa doño di trabou huntu ku kopia sédula bálido di doño di trabou;
• Deklarashon di garantia original³ kompletamente yená i firmá pa doño di trabou huntu ku un stampia di NAf. 10,= 

GASTUNAN

Promé ku entregá e petishon, mester paga tarifa- i retribushonnan. Pa e promé petishon mester paga un montante di Naf. 535,=. E pago mester sosodé na Maduro & Curiel’s Bank. Por mira e informashon nesesario pa hasi e pago, riba e òrdu di pago.

Esakinan ta e formularionan adishonal nesesario pa bo petishon:

• Òrdu di pago
• Deklarashon di garantia
• Deklarashon di doño di trabou