Stranhero òf kompañeronan di reino ta bin na remarke pa un pèrmit di estadia òf un Deklarashon Legal pa estudio. Ta studiante ku a haña atmishon na un estudio full-time na un universidat, skol superior òf instituto edukashonal privá rekonosé pa gobièrnu.

Yunan di stranheronan ku ya tin un título di estadia bálido pa motibu di  unifikashon familiar na pais Kòrsou, no mester hasi petishon pa un pèrmit di estadia temporal pa metanan di estudio.

Ta otorgá tantu e promé pèrmit di estadia temporal komo prolongashon di e pèrmit pa un periodo di 1 aña . 

Durashon di estadia máksimo ta pareu na e término di diploma máksimo ku ta konta pa e estudio konserní, eventualmente ku un término èkstra di máksimalmente 1 aña pa terminá e estudio. 

Un stranhero ku risibí un pèrmit ku komo meta estudio, no ta konstruí derechi di estadia.

A base di artíkulo 8, paragraf 2 LTU , un studiante tin mag di keda 3 luna komo turista, wardando otorgamentu di e pèrmit di estadia temporal. Si despues di 3 luna di estadia komo turista, no a otorgá e pèrmit di estadia temporal ku komo meta estudio, e atmishon di e studiante pa medio di Deklarashon Legal ta vense i e studiante mester bandoná Kòrsou tòg e ora ei. E studiante por regresá te na momentu numa ku otorgá e pèrmit.

Aparte di e kondishonnan general di revokashon (mira Pregunta general, pregunta 7), e motibunan di revokashon spesífiko pa e kategoria akí ta lo siguiente:

1. si un studiante ta traha banda di su estudio, ku eksepshon di su periodo di práktika (stage) nesesario 
2. si e studiante no kontinuá / terminá ku su estudio 

Nò. Solamente na momentu di terminashon òf interupshon di estudio, un studiante por, si e ta deseá di drenta mundu laboral, hasi petishon pa un pèrmit di trabou na Ministerio di  Desaroyo Sosial, Labor i Bienestar (SOAW). Despues djesaki e mester pidi un pèrmit ku meta trabou.

Pa kambio di instituto edukashonal, mester hasi un petishon pa kambio di e limitashon bou di kua a otorgá e pèrmit. Ta evaluá e kambio na man di e kondishonnan spesial di atmishon.