• Kategoria spesial

1. personanan detashá pa gobièrnu, tanten ku nan ta den servisio di gobièrnu;
2. personanan, ku tabata den servisio na Kòrsou òf ku promé ku 10 di òktober 2010 tabata den servisio na Antia Hulandes òf teritorio insular Kòrsou i ku a base di esei ta disfrutá di penshun òf un pago estilo di  penshun i biudonan di tal stranhero ku no a bolbe kasa;
3. kònsùlnan profeshonal, ofisialnan konsulario i otro  personal konsulario atmití komo tal na Kòrsou;
4. militarnan, durante e temporada ku nan ta stashoná na e organismonan públiko;
5. okupantenan di forsa naval òf forsa aereo 
6. kasá no separá di mesa i kama i menornan di edat di personanan menshoná bou di a, b, c, i d.
7. personanan, nasé na Kòrsou, basta nan a alkansá edat di diesseis aña  i ku fo’i nan nasementu a keda atmití na Kòrsou sin interupshon.

• Siudadanonan hulandes

Siudadanonan hulandes, no menshoná den artíkulo 1, ku por demostrá ku nan tin:

1°. un deklarashon di bon kondukta durante e último sinku añanan, otorgá pa e outoridat kompetente, denter di dos luna promé ku nan yegada na Kòrsou 

2°. alohamentu i sufisiente medio di eksistensia pa mantené bo mes 

1. Merikano

Riba 15 di desèmber 2014, Korte Komun di Aruba, Kòrsou i Sint Maarten i di Boneiru, Sint Eustatius i Saba a hasi un deklarashon relashoná ku splikashon di artíkulo 3 di e Protokòl pa ku e akuerdo hulandes-merikano ku ta trata amistat, komersio i nabegashon.

Nifikashon di e deklarashon akí ta ku súpditonan merikano den e parti karibense di Reino – i ku esaki na Kòrsou – tin derechi riba e mesun trato ku siudadanonan hulandes ku no a nase den e parti karibense di Reino, pa loke ta trata atmishon. Esaki ta nifiká ku súpditonan merikano, meskos ku siudadanonan hulandes, pa kua LTU tambe ta konta, tin un término liber di un máksimo di seis luna den un lapso di tempu di un aña. Mas aleu, nan ta bin na remarke pa un deklarashon relashoná ku atmishon legal si nan ta kumpli ku e kondishonnan, meskos ku e siudadanonan hulandes menshoná.

Por papia di baimentu definitivo, si un persona legalmente atmití, bandoná Kòrsou di forma definitivo (ku e meta pa stablesé su mes den eksterior) òf  pa un periodo di mas largu ku 3 aña , si e persona tabata stablesé na Kòrsou pa  por lo ménos 3 aña, i stablesé su mes pafó di Kòrsou.

Den kaso di baimentu definitivo, e Deklarashon Legal ta vense. E stranhero mester bai Organisashon di Atmishon Kòrsou pa anunsiá salida, tuma un formulario di stèmpel i paga e tarifanan korespondiente. Siudadanonan hulandes i menornan di edat no tin mester di pasa dor di e prosedura akí.

Den kaso di un posibel regreso pa Kòrsou, mester pidi un Deklarashon Van Rechtswege nobo.

E atmishon a base di Deklarashon Van Rechtswege ta terminá 

1. na momentu di vensementu di e motibu pa kua a otorgá e Deklarashon Van Rechtswege;
2. pa esun ku a atmití a base di un Deklarashon Van Rechtswege, den kaso di un estadia sin interupshon di mas largu ku tres aña den eksterior, a ménos ku e persona ta permanesé den eksterior pa metanan di estudio òf tratamentu médiko; 
3. na momentu ku e siudadano hulandes adulto, atmití a base di un Deklarashon Van Rechtswege, no tin alohamentu mas ni sufisiente medio di eksistensia

d. pa loke ta trata siudadanonan hulandes menor di edat, di kua un di e mayornan ku tin outoridat di mayor, no ta kumpli mas ku e kondishonnan menshoná den artíkulo 3 paragraf f.

Nò. For di 1 di sèptèmber 2016, mester entregá tur petishon pa Deklarashon Van Rechtswege i Deklarashon di Niet van Toepassing di forma elektróniko via www.immigrationcur.org.